თეიმურაზ სილაგაძე დაიბადა ქ. ქუთაისში. 1976 წელს დაამთავრა თბილისის სახელმწიფო სამედიცინო ინსტიტუტი. 1976-1977 წლებში იყო რესპუბლიკური ფსიქიატრიული საავადმყოფოს ექიმი-ინტერნი; 1977-1979 წლებში - სიღნაღის ფ/ნ დისპანსერის - ექიმი-ფსიქიატრი; 1979-1981 წლებში იყო ნარკოლოგიური განყოფილების უფროსი; 1981-1987 წლებში ფსიქიატრიის ინსტიტუტის მეცნიერ-თანამშრომელი. 1987 წლიდან თბილისის სახელმწიფო სამედიცინო უნივერსიტეტის ფსიქიატრიის კათედრის ასისტენტი, 1989 წლიდან ჯანდაცვის სამინისტროს მთავარი ფსიქიატრი. მედიცინის მეცნიერებათა კანდიდატი. აქვს 25 სამეცნიერო ნაშრომი. ამჟამად მუშაობს ფსიქიკური ჯანმრთელობისა და ნარკომანიის პრევენციის ცენტრში.